【擁抱中國】Buick Envision S 頂級Avenir中國版
蘋果日報 2020/06/21 00:03
中國大陸BuickEnvision SAvenir
中國已經是美國品牌Buick的最大市場。
香港隨時變成一國一制，擁抱祖國啦，所以車迷都可能要準備接受大陸有的，香港都一樣有，大陸沒有的，香港未來可能都不會有。於是，中國作為美國品牌Buick的最大市場，可能很快香港也會有，最新有這部第二代Buick Envision SUV。左軚喎？你未見過香港有人揸左軚車咩？
這品牌最新車款，中國將會搶先其他亞洲地區率先推出。當然亦一如以往，畀個中文名佢先啦，叫「別克昂科威S」，在中國的英文名則是Envision S，用S字來區別上一代Envision。規格和上月尾在美國公開的版本大致相同，鬼面罩、窗邊及門底都會有黑色飾條。
圖片中亦看到新車會用上新設計的黑色合黃輪圈，而且亦有頂級版Envision S Avenir，中文叫「艾維亞」，即是全名是「別克昂科威S艾維亞」，真係買車都考你記憶力。
Envision首次有Avenir頂級版推出，會將普通版的黑邊變成銀邊，而且亦有獨特的鬼面罩設計，以及銀色合金輪圈，而且「別克昂科威S艾維亞」亦會有獨特的車身顏色及內櫳裝潢。Buick廠方亦表明新車會配備品牌最新的電動技術，即是會有Mild-hybrid動力系統版本。預定會採用2.0公升四缸渦輪增壓引擎，最大馬力237hp，峰值扭力350Nm，配以九前速自動波箱，標準配備前輪驅動，可選配AWD。
不過新車暫時未有確實推出日期，廠方表明會於推出前才再公佈車價等資料。
撰文：Michael
編輯：鄒仲安
跟我講一次，唔該，我想試吓呢部「別克昂科威S艾維亞」。
屬中型SUV，撇開偏見，外形不俗。