當年今日
關於我們

【唔怕激嬲方丈】為奇妙電視做主持 邵仲衡最恨「派錢」

蘋果日報 2017/02/09 16:46

派錢奇妙電視邵仲衡大佬孝

奇妙電視將於今年5月中開台,為唔少自由身藝人增加工作機會,「大佬孝」邵仲衡、黎燕珊同林芊妤(Coffee)等,稍後都會應邀為奇妙電視主持新節目,佢哋噚晚齊齊出席奇妙電視於尖沙嘴舉行嘅春茗。
前年憑大台重播劇集嘅《大時代》人氣急升而復出嘅邵仲衡,繼與港台、ViuTV合作後,再同奇妙電視合作,仲會同林二汶主持資訊節目《香港事...香港是...》,邵仲衡就話:「暫時簽咗主持5集,節目有部份講吓傳承嘅,亦會講發生緊將來有乜啟示嘅嘢。」走勻咁多間電視台,邵仲衡唔怕激嬲方丈咩?佢話:「唔會,o依家製作方法唔同晒,講真幕前人想試唔同合作方法。」
問到人工係咪好高,有冇高過ViuTV?邵仲衡話:「差唔多,你知我比較認真,同唔同製作單位做幾得意。」邵仲衡接job重質定重錢?佢話:「要平衡,唔玩錢唔刺激。」所以佢話好恨嚟緊可以主持吓派獎金節目,佢話:「我最叻派錢。」