韓國女團f(x)自前成員Sulli退出組合後，餘下嘅4名成員Krystal、Luna、Amber、Victoria中，僅Krystal及Victoria較多工作機會，而中國成員Victoria目前更長期喺大陸發展，粉絲勁心痛自己偶像被投置閒散，就連Amber都於本月14號都喺自己Instagrama貼長文爆Seed，疑似向所屬嘅SM事務所表示不滿。

不過隔咗近兩星期，Amber今日凌晨再喺IG以英文留言，暗示被事務所忽視。喺呢篇留言中，Amber表示自己喺過去5年經常因「我哋冇時間畀你」嘅藉口而長期喺屋企：「我寫歌，製作自己嘅專輯、編輯我嘅視頻，仲寫咗發表計畫，為咗粉絲做我鍾意嘅嘢，但係5年後，我得到同樣嘅答案，佢哋仍然話我做得唔夠，我仲可以做咩？」

Amber嘅貼文令粉絲相當心痛，批評SM事務所冇平衡好每個藝人嘅資源，又勸Amber於合約期滿就離開事務所，又有粉絲擔心f(x)係咪面臨解散，不過亦有網民認為Amber能力不足，未能達到事務所嘅要求，叫Amber唔好只顧投訴事務所，先做好自己本份。而SM事務所就一如以往未有回應。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。