2月底一名駐守北角警署嘅48歲男警員確診武漢肺炎後,一名22歲駐守深水埗警區的女警噚日亦初步確診,唔少網民都「十分關心」警員健康,關注仲會唔會有更多警員中招?咁啱警務處處長鄧炳強日前去咗最近有剪接師確診武漢肺炎嘅Now新聞台受訪。雖然該座大廈一早貼咗通告,講明所有出入該處嘅人士都必須戴口罩,但據聞PK鄧當日冇戴罩喺Now新聞部行嚟行去,而佢受訪期間都無戴口罩,唔知會唔會被武漢肺炎選中?
八方噚日問過警務處,PK鄧當日無戴罩喺Now新聞台受訪後,擔唔擔心染上武漢肺炎,以及有冇計劃接受病毒測試,以確保自己無染疫。警方發言人回覆時無具體回應,只回覆:「處長健康良好,感謝貴報記者對他的關心。」
其實八方唔係關心PK鄧,只係憂慮佢社區播毒,事關PK鄧無戴罩現身人多場合都唔係第一次嘞。早前武漢肺炎爆發後,衞生防護中心多次呼籲市民避免聚餐,但作為警隊阿頭嘅PK鄧就做咗反面教材,無戴口罩同一眾警隊高層及明星足球隊成員聚餐、唱K、搭膊頭合照。PK鄧事後曾承認「對社交距離的敏感度確實不足」,但未有就此道歉;知恥近乎勇,相信唔係個個自稱「忠誠勇毅」嘅人都識嘅。
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架