【本報訊】西貢黑幫仇殺，除有震撼的斬人撞車場面，亦有一些有趣情節，話說大批傳媒事後到場採訪時，現場有「熱心巿民」自動報料，更提供第一時間拍攝的影片及圖片，其中一段短片拍到疑似刀手落網時，滿頭鮮血坐路邊細聲呻吟，有警員在旁勸喻拍片者勿再向前靠近。拍片者則向受傷男子警告：「唔好斬人啊細佬，香港係法治之區！」

周秀娜拖車涉事

亦有目擊者揶揄刀手：「四個儍儍哋笨賊，有咩可能斬人，反而被人打到豬頭喇叭嘴咁！啲車又俾人撞低晒……」記者追問在場疑是水房一方的同行者遇襲原因，他只是笑笑口回應：「可能我哋兄弟靚仔啩！」
廝殺追逐聲亦驚醒附近居民，有居民形容：「嘩！拍戲呀？死人啦咁樣撞法！」「仲打緊呀！咁搞法呢班人點收科呀？」「畀人打到豬頭咁！」
另外，案中涉事的一輛拖車，車身貼有女星周秀娜性感海報，是油麻地一間拖車公司所有，行內人士稱呼其拖車為「周秀娜拖車」，根據車輛登記資料顯示，車主報住大埔區。《蘋果》昨晚致電拖車公司查詢，但接電話的男子表示，對斬人及撞車事件一概不清楚，只表示「多謝關心」就掛線。
■記者姜偉康