林嘉欣今日去到灣仔，出席法國五月藝術節記者會，嘉欣連續5年獲邀擔任法國五月大使，早前獲安排去到尼斯參觀，拜訪唔同嘅藝術家同參觀博物館。嘉欣表示，每次去到觀賞都有唔同嘅感覺，於十多年前曾經喺法國留學嘅嘉欣話：「今次可以練番啲法文，不過都唔記得晒，聽到但係講唔到，好懷念當地嘅美術館，曾經喺法國居住半年，每日都行美術館，但係都行唔晒。」

嘉欣表示，唔會刻意迫小朋友學習藝術，嘉欣話：「屋企都有呢啲書，但係唔使刻意要佢哋學。」今屆金像獎將至，嘉欣表示，未有留意今屆嘅金像獎提名同競逐，嘉欣話：「我都係剛剛先睇番今屆奧斯卡嘅電影，自己即將有幾部戲要開，下月會公布。」

精選娛聞，喺晒《娛果》
http://fb.com/appledailyent