當年今日
關於我們

【與公司騎師對話】不足半年再客串 沈拿謂香港最好

蘋果日報 2017/12/01 23:57

香港意大利卡塔爾公司騎師沈拿

香港馬圈近季掀起意大利旋風,該國頂級騎師紛紛東來獻技,杜滿萊、彭利力等名字,馬迷仍記憶猶新,當然還有今季騎足全季的李寶利,今期(3日)起還加入沈拿。
此子自2012年起以卡塔爾為策騎基地,於上季尾短暫來港客串後,萌起長駐香港的念頭,這次獲發半年公司騎師(即馬會騎師)牌照將是一塊重要的試金石。
沈:沈拿 記:《蘋果》記者
記:歡迎返到香港,你離開卡塔爾前喺自己嘅facebook留言,提到自己對呢個地方充滿美好回憶,而且喺卡塔爾贏過多場大賽,點解甘願放棄呢個策騎基地?
沈:上季尾我嚟香港客串三日,贏得兩場頭馬,之後返回卡塔爾繼續策騎,喺季初收到香港賽馬會嘅來電,問我有冇興趣重返香港策騎一段較長嘅時間,我認為香港嘅賽馬環境世界上最好,同時亦係競爭最激烈。
雖然我喺卡塔爾有唔少練馬師同馬主支持,但今次喺我騎師生涯之中,一次重要嘅機會,把握到呢個機會嘅話,會令我嘅事業更上一層樓。於剛過去的星期三(11月29日)晚喺卡塔爾嘅告別戰,我贏出一場1900米泥地盃賽,呢場係當日賽事嘅尾場,令我感到很圓滿,同時亦證明狀態很弗,已準備好喺香港展開新一頁。
記:卡塔爾同香港賽事有相似嘅地方嗎?
沈:客觀嚟講,的確有好多相似嘅地方。卡塔爾一個星期跑兩次馬,一日跑泥地,另一日就喺草地上演,更重要嘅係無論泥地同草地,兩條跑道都係偏快,香港嘅一樣,賽事好多時都喺乾快地之下上演。
另一個相似嘅地方就係喺卡塔爾賽事,騎師同樣會一出閘就會盡快搶前霸佔好位,由於自己早已習慣呢種方式,所以嚟到香港更有信心能夠好快就應。
empty
他上季尾在港客串三日,贏得兩場頭馬。