翁靜晶大女劉萬儀昨日在中環PMQ參與果藝市集，開檔賣蛋糕，好友即吳綺莉囡囡吳卓林（小龍女）亦有前往幫手睇檔，卓林轉了新髮型，染了紫髮及一邊鏟青。萬儀一向有在網上賣蛋糕，今次推廣全素蛋糕，可能天氣熱，反應相比隔鄰賣糖果、雪條檔攤生意比較淡靜，見3小時內大概賣出10件蛋糕。問到萬儀會否擔心生意是否賺錢，她表示：「賺唔賺冇所謂，我係想推廣食素，係為興趣同愛好，所以4、5點要起身整蛋糕都唔怕辛苦。」萬儀更自言做生意學懂睇人面色：「要學識厚面皮，有人會食完講麻麻哋，但其實唔使對住我講，咁樣試過兩次。」

做生意學溝通

萬儀自言與卓林同是天蠍座好好傾，她更大讚對方是最好的銷售員：「佢係最好sales，我哋分工合作。」問到卓林會否當萬儀是好姐姐，萬儀即表示：「唔係，我係朋友角色，冇做家姐責任。」卓林自言：「學咗組織技巧同計劃，學識溝通、開放啲，要high energy。」問到二人的媽媽會否來支持，有否教她們做生意，卓林表示：「媽咪知我嚟呢度，有傾偈，冇話特別教，有問返工返成點，佢好肯畀我自動波，畀我自己點做。」卓林表示尚未畢業，問到她將來想做甚麼工作，她表示：「不嬲都冇答，未知自己想做乜嘢。」
採訪：羅慧敏
攝影：陳慧安