福士為新車建新廠

蘋果日報 2002/01/29 00:00


近年,福士推出咗多款新車,廣受世界各地車迷歡迎,此舉實能令廠方感到雀躍萬分;同時,廠方又為咗日後推出嘅各個豪華車系,故特別於德國嘅德雷斯頓(Dresden),開設咗一間以透明設計為主嘅新車廠㖭。
據福士廠方表示,佢哋為咗呢間新車廠投資咗不少金錢,而呢所佔地甚廣嘅車廠,廠內約800名員工,更可每日生產最多150部豪華房車㖭;另外,車廠內外又設有不少高科技嘅設施,務求讓處於車廠內外嘅人都會感到方便,而且廠方重非常注意環保呢個課題,盡量將製車時嘅污染問題減至最低。睇嚟福士廠方對佢哋嘅新款豪華房車,都非常重視噃。