手指心心Out晒!韓新星最愛整呢個pose

蘋果日報 2017/06/05 00:00


韓星成日會做啲動作冧粉絲,好似之前大擺愛心pose,之後就愛擺用手指畀心心pose,不過原來0依家連手指心心都Out晒。

近日有一個pose有取代手指心心pose嘅趨勢,當中仲有唔少新星搶住做,不過做得最多就喺選秀節目《PRODUCE101》嘅參賽者朴志訓,佢之前已經因為喺節目上做出單眼動作而吸引唔少粉絲,而近日佢自我介紹時,就做出一個將雙手好似擺出個正方型相框嘅動作,並高呼:「喺我心內,儲存。」代表要儲存對粉絲嘅愛。

由於呢個動作令人留下深刻印象,而且又易做,所以即時成為0依家韓國演藝圈唔少新星必做嘅指定動作,好多新星個個都輪住做,睇嚟好快又成為潮流動作。