家問十個人，你最想打邊份工，相信九個人會揀facebook。雖然香港招聘已經完咗一排，暫時亦冇空缺，但fb就好積極係強國招兵買馬。華華收到料，fb計劃係強國招聘100位全職軟件工程師，佔新招聘計劃約九分一人手。想入fb，同入ibank要求相差無幾，都係要名牌科技學府，好似清華大學、復旦大學同南京大學咁。選拔過程當然係過五關斬六將，應徵者要經過兩至三輪電話面試，以及三輪現場面試同兩輪編寫程式技術考核。

好彩得到呢份筍工嘅話，要遠赴美國加州或西雅圖做嘢。離鄉別井，fb當然唔會虧待員工啦，聽聞人工係內地知名IT公司嘅10倍，大約每個月10萬銀，表現優異的話，人工同股票加埋，年薪可能高達20萬美金，即係155萬港紙，最重要係可順便攞埋綠卡㖭！
fb雖然仲未入到中國，但呢個金礦潛力無限，fb亦要鋪好後路，正如創辦人朱克伯格講過：「如果你遺漏了13億人的市場，如何能連接整個世界？」家先一步網羅強國專才，方便他朝打入中國，咁先係囉。

李華華
mailto:[email protected]