狼振英班子嘅5司14局人選，大致有着落，律政司司長如無意外，應該由被染紅咗嘅前大律師公會主席袁國強擔任，坊間早前盛傳嘅監警會主席、資深大律師翟紹唐，原來只係煙幕。
唔入閣，對翟少嚟講肯定唔係損失囉。正所謂「有麝自然香」，政府噚日公佈，翟少再度冧莊為獨立監察警方處理投訴委員會主席，任期由今年6月1日至2014年5月31日止，即係喺呢兩年期間，翟少會繼續實警方有冇濫權。
除咗監警會之外，翟少同時係最低工資委員會主席，以及非應邀電子訊息（執行通知）上訴委員會副主席，呢位法律界公職王，喺狼振英統治下相信繼續受器重。