當年今日
關於我們

【吸收視】傷心過後甜蜜返?金來沅咀嘴朴信惠

蘋果日報 2016/07/26 06:00

蘋果香港韓國即時朴信惠咀嘴金來沅Doctors

韓國女星朴信惠同金來沅主演嘅SBS劇集《Doctors》,由開播以嚟而穩坐同時段嘅收視冠軍,不過收視率就一直難以突破20%,噚晚播出嘅第11集嘅收視更稍稍下滑。而劇集今晚將會播出最新一集,劇集更預告朴信惠同金來沅兩人將有咀嘴戲,唔知可唔可以靠咀嘴突破20%收視率呢?

雖然噚日嗰集講到因為某啲原因導致朴信惠對金來沅感到失望,隨住金來沅對朴信惠剖白自己唔開心嘅事,朴信惠就開心返,兩人繼續甜甜蜜蜜。預告中金來沅對朴信惠講:「好掛住你,一直等緊你電話。」咁深情嘅對白梗係冧死女喇,其後朴信惠就伸手好溫柔咁摸金來沅個頭,而兩人更越靠越近似乎將會咀嘴。

而《Doctors》除咗靠咀嘴戲谷收視外,亦公開咗朴信惠背後攬攬金來沅嘅甜蜜劇照,預告今晚兩人繼續SweetSweet。