韓國亞神李敏鎬自從同「國民初戀」秀智公開戀情後，外界都睇好呢對金童玉女開花結果，不過戀情被公開就自然成為大家談論嘅目標，好似喺噚晚嘅「第51屆百想藝術大獎」上，坐上客嘅李敏鎬先被主持人申東燁問佢：「如果掴獎會畀秀智嗎？」搞到李敏鎬唔知點回答好，只識尷尬傻笑。

李敏鎬只好再回答話要將獎項獻畀辛苦投票嘅粉絲，但申東燁仍然唔死心咁追問：「如果攞獎最先諗到邊個？」其間又不斷提及秀智嘅名，令李敏鎬都幾尷尬，最後就淡定話：「最先想到嘅喺粉絲，還有喺家裡嘅寵物『巧克力』。」

雖然李敏鎬成功過關，不過到秀智BB所屬嘅事務所老闆朴震榮上台表演時，朴震榮刻意停音樂行到李敏鎬面前同他握手兼打招呼，令現場人士都大笑，唔知之前李敏鎬有冇同女友一齊拜訪過朴震榮呢？