【果燃上架】揭開連Brian Cha都未必識嘅韓國買樓秘密 《幫我搵筍盤吧》韓國大熱筍區逐個數
幫我搵筍盤吧編輯推介果燃台
「好多朋友問我,喂Brian……」最近紅到無得skip嘅Brian Cha,即使佢叻到識得用一部手機改變人生都好,但係講到移民韓國買樓租樓喇喎,得部手機真係唔夠㗎!好在有《果燃台》推出嘅韓國搵樓綜藝節目
《幫我搵筍盤吧》 ,唔只食正移民潮條水,當觀眾睇到韓國啲屋有幾大有幾筍嘅時候,直程治癒埋我哋香港呢個平行時空添呀!係咪馬上覺得《果燃台》有一種「嗯,我哋都賺夠喇,好想畀你哋賺吓」嘅感覺呢?記住,樓呢家嘢你今日無,但你將來都可以有㗎!
承接上一輪嘅搵樓大比拼,
《幫我搵筍盤吧》 繼續由出名搞笑嘅藝人金淑、朴娜萊領軍,連同盧弘喆、金光奎、張東民等常規主持,每集仲會有唔同嘅星級嘉賓客串,1至10集已經全部上架。節目會揀選一個搵樓嘅委託個案,然後分成兩隊比賽,由明星偶像親力親為跟住委託人提出嘅要求,行勻全韓國幫委託人搵最啱心水嘅筍盤。上次集中講解過韓國樓嘅玩法,好似年租、月租、全租等等,今次我哋不如就轉個topic,集中講吓邊一區至筍至抵!
喺香港地買樓,過去可能相對簡單,好多人都會搵交通配套比較完善,甚至黐住港鐵嘅樓盤,貪佢防守力夠。但係外國地大物博,坐車可能都要坐成粒幾兩粒鐘先可以返工返學,一旦住錯區真係痕都頭埋㗎!所以「治安、樓價、工作機會同校網」呢四大條件,一定要作出最好嘅平衡,先至好入手呀!
就好似
《幫我搵筍盤吧》第6集 嘅個案咁,一家四口中嘅爸爸係一個韓國軍人,啱啱被調到韓國襄陽工作,而韓國嘅襄陽位於首爾東北偏東最近海嘅區域,屬於江原道嘅一個郡。呢個地方人口3萬左右,有屬於自己嘅國際機場,而面績大概係半個香港咁大。今次嘅任務就係要幫呢個軍人家庭,預算用189萬港紙左右嘅「畢直」,買一個至少三房兼連兩個車位,仲要有花園嘅1,000呎獨立屋!而且媽媽仲希望近學校區,或者至少有校車嚟接返學!
你無聽錯!189萬港紙有找,原來係可以買到咁筍嘅樓㗎!我諗生活喺香港嘅你同我,呢一世都唔會明,喺香港189萬應該夠買……一個廁所嘅。
唔好灰住,咁作為
《幫我搵筍盤吧》 呢類咁專業嘅綜藝節目,我哋又唔能夠以偏蓋全,俾一幢千呎獨立花園洋房蒙蔽咗眼睛,當有平到咁嘅屋嘅時候,又自然有啲貴返啲嘅。好似另一集,委託人係一位單身靚女插畫師,諗住喺首都首爾嘅江南區搵間屋住順便做埋工作室。佢要求嘅條件好簡單,就係近地鐵站!咁今次因為目標係首爾,仲要係猶如香港旺角尖沙嘴級咁熱鬧嘅市中心核心盤,「畢直」就貴少少,全租預計221萬港紙左右,月租嘅話就預算港紙6,300蚊左右。最終佢無揀到一個位於梨泰院嘅樓盤,反而揀咗一個貴少少、位於弘大中心嘅筍盤。似乎曾經喺弘大取景嘅韓劇《我們結婚了》,比起韓劇《梨泰院Class》更加吸引呢位靚女!
Oh sorry!小編又唔覺意刺傷咗各位準買家,想用6,300蚊租旺角尖沙嘴區,我建議你不如早少少瞓發返個好夢罷啦。不過我又唔係叫你quit咗個節目佢,我哋深信百貨應百客,唔係每個人都好似倒模咁,又要交通又要學校又要商場又要個海嘅。以另一單一家四口嘅個案為例,佢哋提出嘅要求就夠晒特別,唔要近公司,唔要近地鐵,亦唔要近商場,佢哋淨係希望「近森林」!
呢啲咁出世脫俗嘅家庭,真係萬中無一,皆因全職育兒嘅爸爸同埋做公務員嘅媽媽都認為,相比起去兒童遊樂場或者玩具店爭玩具,佢哋更希望小朋友喺大自然中尋寶,從中學會珍惜同分享。今次佢哋希望以全租嘅方式,預算113萬港紙,就可以搵到實用面績600零呎 ,適合一家四口嘅安樂窩!
查實
《幫我搵筍盤吧》 介紹過嘅區域,遠遠唔止呢幾個咁少,好似釜山(電影《屍殺列車》拍攝地點之一)、新道林(非首爾)、濟州島(《藍海傳說》、《孝利家民宿》、《Running Man》亦曾於此地取景),仲有利川(唔係湯圓)同埋江東等等。千祈咪以為綜藝節目搵樓就一定好「柴娃娃」,查實節目介紹嘅樓盤,好多都係性價比甚高嘅筍盤,而且有關房地產嘅資料搜集都做得好足,對當區嘅介紹亦都好客觀充實。唔怪之得2019年首播,就即刻登上收視榜第一喇!
各位,by the way,得唔得先?小編建議各位最近可以quit咗啲多廣告嘅影片分享網站先,一齊嚟睇吓《果燃台》無廣告嘅
《幫我搵筍盤吧》 ,睇吓韓國各哋嘅筍盤,做定功課!得唔得?
「果燃台」 果迷專屬嘅影片世界
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新