由影帝役所廣司主演嘅TBS電視台日劇《陸王》，開播以來取得極佳口碑，昨晚《陸王》播出第八集錄得17.5%嘅收視新高，比上集上升2.8%，更超越第五集16.8%嘅高收視成績。

《陸王》除咗有好戲之人役所廣及寺尾聰外，又有當時得令嘅山崎賢人、竹內涼真合演，更請來前網球選手松岡修造客串演大企業社長，成為今季大熱劇。

由於《陸王》大受歡迎，劇集大熱帶旺故事發生嘅取景地埼玉縣行田市嘅經濟效益，就連由少女組合Little Glee Monster翻唱嘅主題曲《Jupiter》近期大hit，高踞當地歌曲下載榜冠軍，佢哋仲首度打入月底舉行嘅《紅白歌唱大賽》。