彭浩翔監製完《同班同學》後呢部港產片後，最近又開始籌備自己執導嘅新片，佢今次想改戲路，拍一部動作、喪屍加愛情嘅電影，部戲係由北京的新原野公司投資，主要針對內地市場，男女主角都係喺內地搵，聽講依家傾緊由吳秀波配楊子珊演出，影片預計下個月頭喺台北拍攝，日內佢會到台北睇景，估計喺當地拍攝個半月左右。

拍攝完呢部戲後，彭浩翔就會積極搞《春嬌與志明3》，好多觀眾都期待去快啲拍第3集，但因為佢一直唔滿意劇本，要寫到最滿意先肯拍，所以拖到0依家仲未開拍，但最近終於諗通條橋，已搵人開始寫緊劇本，希望出年5、6月月可以開拍，除了原班人馬外，會加入志明父母嘅角色，第3集主要係講兩代嘅溝通問題，春嬌同志明結婚後，春嬌與老爺、奶奶喺生活細節出現好多分歧，鬧出不唔少笑話，到底兩代人如何磨合呢？