當年今日
關於我們

【馮仁昭四圍超】阿嬌今擺酒
賴弘國前妻贈興

蘋果日報 2018/12/20 05:20

馮仁昭四圍超阿嬌Ivy貼文賴弘國賴弘國前妻

現年37歲嘅鍾欣潼(阿嬌)正式榮升賴太,前日喺尖沙嘴同台灣「醫界王陽明」賴弘國註冊結婚,今日喺西九大排筵席宴請親友。正當婚禮進行如火如荼,賴弘國前妻、有「華航林依晨」之稱嘅趙筱葳(Ivy)就喺社交網發功贈興,留言同自己打氣︰「別忘了自己多有魅力。」酸味十足!

阿嬌係賴弘國第二任妻子,前年10月,賴弘國同「華航林依晨」Ivy結束半年婚姻,冇耐就同阿嬌拍拖。自從阿嬌同賴弘國戀情曝光後,Ivy不時喺社交網發文暗寸前度,前日阿嬌同賴弘國喺香港註冊,又再刺激Ivy神經。同日Ivy喺社交網貼機場相兼留言:「飛呀飛呀小飛俠……跟大家分享Robert Capa的名言——像螞蟻一樣工作,像蝴蝶一樣生活。不管你現在是螞蟻還是蝴蝶,記得努力扮演當下,更別忘了自己多有魅力。」

其實,作為網紅嘅Ivy多次喺網上發功。其中,阿嬌2月開記者會宣佈婚訊,翌日佢就發文話︰「幸福會循環,悲傷也會循環」、「現在的她更痛」暗寸前度與阿嬌。5月,阿嬌同賴弘國喺洛杉磯舉行婚禮,Ivy就留言︰「甚麼是真甚麼是假?哪些是浮雲哪些是永恒?」含沙射影。
empty
賴弘國前妻Ivy喺社交網發文話「別忘了自己多有魅力」,酸味甚濃。互聯網圖片
empty
阿Sa話見證好姊妹阿嬌出嫁,好開心感動。
empty
阿嬌同老公賴弘國前日喺尖沙嘴進行註冊儀式,兩人之後受訪心情靚爆。
阿Sa開心見證註冊
至於阿嬌好姊妹蔡卓妍(阿Sa)同老闆楊受成噚日出席電影《神探大戰》煞科宴時,講到見證阿嬌註冊,阿Sa話:「美國嗰次好激動,噚日就冷靜啲,好開心。」楊受成就話︰「最好嫁啦,呢個年紀搵到啱就嫁,女大不中留,個個都合作十幾年,對公司好大貢獻。」
撰文:馮仁昭