日本擔起VOYAGE系列的生產工作，當然要重鎚出擊啦，今年3月日本方面就於名牌雲集的原宿表參道開設專賣VOYAGE手袋的專門店，樓高3層，分別售賣CasualBag、ExecutiveBag及男裝手袋，貨品最齊最新，而且每層都有期間限定版。各位以後要去日本掃貨，唔使再去百貨公司Counter，走一轉表參道就夠。

3樓店員推介綠色，立體方形設計夠晒特別。

卡其色長方形手袋¥66,150（約港幣$4,190）

綠色長方形手袋¥60,900（約港幣$3,858）

2樓店員話這個限定版最啱行政人員放文件。

深藍色小方形羊仔皮手挽袋¥21,000（約港幣$1,330）

深藍色大方形羊仔皮手挽袋¥24,150（約港幣$1,530）

１樓店員推介粉紅色，因為顏色夠Sharp，夠年輕。

粉紅小型手挽袋¥8,925（約港幣$565）

綠色大型手挽袋¥9,975（約港幣$632）

agn囗sb.VOYAGE表參道店除了售賣手袋，還會不定期舉行展覽，絕對值得到此一遊，採訪期間碰巧正有法籍藝術家NathalieGilles的展覽及產品出售，店內裝置都以其設計的水果造型作裝飾，十分可愛，香港方面將於7月尾有售。

地址：agn囗sb.VOYAGEOmotesando（03-5485-1400）澀谷區神宮前6-3-10

agn囗sb.×NathalieGilles士多啤梨手袋$990

店舖經理中丸：「個人推介真皮系列，因為設計簡單而且質地夠軟熟，出街或返工都適合。」

香港遊客Ivy：「呢間店太新，旅遊書都無介紹，我都係咁啱經過，我好鍾意agn囗sb.手袋，今次會買2個表參道限定。」

Marie：「我揀呢個黑白橫間膠面手挽袋，貪佢十足agn囗sb.Style，而且袋面跣水，落雨都唔怕。」

這次參觀的日本agn囗sb.VOYAGEShowroom，其裝修沿用一貫agn囗sb.的白色無菌設計，Reception、酒吧枱、梳化等都極簡約品味，買手們睇完貨還可坐低飲杯嘢商討一番，極之寫意。
agn囗sb.VOYAGE手袋系列，每年發表春夏及秋冬新款兩次，每季都會請來香港、台灣及法國等地的海外店Buyer到日本揀款，信得過agn囗sb.慧眼買手多年來的經驗，Fans們預備彈藥8月落舖入新貨啦！

雖然距離聖誕節仲有成半年，不過去得Showroom當然要把握機會率先睇吓agn囗sb.VOYAGE聖誕有咩靚嘢啦，呢3款ChristmasBag，絲絨質料似乎跟秋冬天氣都特別相襯，3款小型手挽袋分別有星星及b字招牌Icon，出街返工一樣得。

同樣係絲絨設計，以黑底銀色車線繡出品牌Logo字款。

Metallic綠色加上紅色手挽帶，聖誕味十足，去Ball去Party至啱。

以上貨品將於8月開始陸續於香港agn囗sb.舖有售，最終價錢以agn囗sb.公佈為準。

agn囗sb.（28050678）
中環ifc商場1098&2088-89號舖