由於疫情一直在社區擴散,星爸媽都盡量不帶小朋友外出,除了到空曠的郊外,有一對1歲多龍鳳胎的蔡一鳳,昨日見空氣好即帶着孖B去行山,他們到了大潭郊遊,一身運動服的蔡一鳳陪孖B到處走走,三人齊脫罩呼吸新鮮空氣。蔡一鳳表示這半個月都一直home office,並石時抽時間陪伴一對子女,她今日接受《蘋果》訪問時說:「孖B成個3個禮拜冇出街啦,自從年初二去完澳門搵公公婆婆拜年後,我就冇畀佢哋出街喇,噚日見天清氣朗咪出去行下,家姐見到人哋啲狗仔超開心,係咁追住啲狗仔,笑到超大聲。家姐平時係屋企最鍾意聽講故事同睇書,噚日為咗追啲狗仔,佢自己行咗10幾鐘路,細佬就行一半瞓着咗,可能行山氧氣足,天氣又舒服,佢哋困住咁耐可以出吓去,真係好開心,我諗嚟緊可以再多啲帶佢哋行山。」