嘉里（683）屯門掃管笏新樓滿名山入伙，資深驗樓師詹濟南驗收一個3房單位，15個交樓工種7項滿分，無大分扣，純粹幾項小瑕疵扣扣埋埋，令總分92分，連帶早前驗收屋苑另一個單位89分，暫時交樓質素令他豎起母指。不過詹sir補充，第一批交樓得分通常好高分，部份發展商樓盤首批同之後交樓單位的得分可以相差40分。

滿名山位於掃管笏，一條青盈路駁落屯門公路，交通不方便，幸而路口有小巴、巴士出荃青及港島一帶。屋苑由分層單位及洋房組台，分滿庭、名庭及山庭3個區域，今次驗收單位位處滿庭的分層戶，實用862方呎，3房間隔。

15項交樓工種，7項滿分，扣分最多是油漆，經佔比折算後，總分扣了2分，主要由於客廳及主人房天花部份不平滑。另外鋪磚及窗戶均扣1.75分，其中浴室窗內框有窿，詹sir指出：「呢度有個問題，窿仔雖然好細，但最好唧返膠，因為啲水會入內框，有可能會流返出去，但不排除會流入屋，相連的防水膠邊已經鬆咗，即是有啲嘢逼開咗膠邊…」他用紙仔一攝就入，並謂：「未必係水，可能是空氣，可以話係潛藏滲水位。但其實只要唧返膠就無事。」另外，主人套廁洗手盆內膠邊漏窿，亦需要唧返膠，否則滲水落櫃底。另一個甩漏的地方都不能輕視，廚房相連工作平台的門框框底膠邊甩，必須修繕，否則風起時發出呼呼聲。

單位總分92分，交樓質素令人滿意，早前詹sir驗滿名山另一個單位都有89分。他不諱言，承建商是中國海外房屋工程有限公司，這間公司近年有不少項目均不俗，例如灣仔囍滙。不過他補充，第一批單位驗樓得分通常好高，其後每況愈下，首批同往後交樓的分數可以相差最多40分。而嘉里近期入伙盤如何文田皓畋，約5%單位90分以上，10%單位60分以下，主要得分介乎60至75分。而嘉里整體交樓單位普遍85分以上。

對於今次的驗樓評分，嘉里回應指，已就單位瑕疵作相應跟進，除少部分門窗玻璃因來貨需時而安排於四月初進行安裝外，其他已安排修葺。

記者：陳家雄
攝影：彭大偉

蘋果財經，關心你飯碗
http://fb.com/appledailyatm