雖然騎士喺NBA總決賽輸畀勇士，衛冕夢碎，但係主將勒邦占士（LeBron James）就似乎冇俾呢件事影響心情，佢近日更加喺屋企為細囝拜斯（Bryce James）搞生日party，幫佢慶祝10歲生日。

拜斯帶晒班朋友仔嚟屋企玩，占士仲好有心思，搵「一剔」幫手整咗啲為囝囝慶生嘅特別版tee派畀班細路，而佢同老婆Savannah全程都陪住佢哋一齊玩，籃球、足球、美式足球、甚至水戰都有落場，占士之後仲放上ig同班粉絲開心share㖭。不過，大家唔好以為派斯生日就大晒，當佢同占士分開兩隊打波時，占士一樣冇留手，喺佢頭上爆樽㗎。