仲記唔得上年1月天氣勁凍，澳洲騎師潘頓當時在1月24日，好似今早（18日）田泰安咁，戴晒面罩上陣，仲贏到三場馬返嚟。

不過呢位似乎幾怕凍嘅騎師，今朝天未光現身之餘，竟只戴多對手套就足夠，更連過三個馬房檔，連操六駒，極之活躍，當中考驗過的有周三（20日）晚角逐第五場四班1650米的「開懷大少」及第六場三班2200米的「大情人」。

4歲澳洲馬「開懷大少」今季出戰田草兩場雖未贏到，但均獲亞季各一，明顯同上季有極大嘅進步，今仗渡港轉戰快活谷，或憑對手較弱加上新鮮感，贏馬在即。