阿婆買錯樓，撻定損失逾40萬元。年逾六旬的金女士上月在代理疲勞轟炸下，誤買會德豐（020）將軍澳新盤THEPARKSIDE一個價值800多萬元的三房單位，偏離目標600萬元的兩房戶，由於退了休，買唔起，供唔掂，最終撻定損失42萬元。

金女士與丈夫退休十多年，兒子成家立室後沒與他們同住，兩老原在黃大仙區租樓，早年被加租，遂搬到將軍澳日出康城，以1.4萬元租住兩房，見租金升幅加劇，打算動用老本約600萬元購入一個兩房單位自住，「我哋係長者，一定係FULLPAID」，便找當初介紹現租單位的中原地產某代理，相約上月17日參觀THEPARKSIDE示範單位。

睇示範單位前，代理話項目賣剩兩個單位，睇完示位，她覺可以接受，遂花20萬元入票抽籤，並表明不會買入三房單位，「等了兩至三個小時，以為仲有好多手續，點知安排我坐到一張長枱，枱面已放了份臨時合約，之後代理就話：『你買咗呢個(單位)啦！』我薄皮，唔敢問，一路聽佢講，一路叫我簽名在一幅圖則上，有個綠色格，係三房，但好矇矓，叫我喺圖則簽名。」當日是該樓盤首輪銷售後的第三天，及接受第二輪意向登記的首天，因此既可認購首輪貨尾，亦可入票認購第二輪單位，惟金女士沒有查詢下買入首輪貨尾單位。