近日有新片《叛亂者．強權終結》（Insurgent）上映嘅美國女星莎蓮活德麗（ShaileneWoodley），最近接受咗新一期美國雜誌《Nylon》嘅訪問，23歲嘅佢於訪問中仲同讀者分享佢獨特嘅飲食習慣，好似自己鍾意食蟲咁：「我有食螞蟻，好好味，同埋其他甲蟲，都好好食。」

又話未來人類食昆蟲係大趨勢：「我覺得未來食物會係食蟲。」而莎蓮原來亦鍾意食豬手：「我幾個月前曾經試過於西班牙食豬手，真係無得頂，佢哋成舊膠咁，食完個肚好舒服。」