【李八方online】星級名廚越洋推廣香港 法國人邊食邊嗌「Bravo」

蘋果日報 2018/06/15 17:16

李八方ONLINEChef Vicky添好運
    香港人鍾意飲法國紅酒係人都知，但原來法國人都好鍾意食港式點心。八方收到風，旅發局趁住法國波爾多紅酒節20周年，拉大隊去推廣香港，仲請埋兩間米芝蓮餐廳大廚隨行，包括添好運兩位創辦人培哥同強哥，以及VEA Restaurant & Lounge嘅主廚Vicky，實行用美食「反攻」法蘭西。
    喺活動第一晚嘅晚宴上面，培哥同輝哥就預備咗拿手嘅酥皮叉燒包、燒賣和蝦多士作為頭盤；而擅長烹調中法融合菜式嘅Chef Vicky，除咗頭盤的吞拿魚他他之外，仲炮製咗和牛叉燒作為主菜。據講成個晚宴現場150人，個個食到舐舐脷，更加不時聽到有人大聲讚「Bravo」。
    山長水遠飛到過去，梗係唔係煮一餐就算啦。聽晚旅發局就會喺當地一架古董船上舉辦酒會，請埋波爾多市副市長以及各大酒莊莊主等100位嘉賓出席，到時三位大廚又會再度獻技。話八方厚面皮都想問一句，唔知有冇得打包返嚟香港呢？
    empty
    頭盤有燒賣、叉燒包、蝦多士及吞拿魚他他。
    empty
    主菜和牛叉燒。
    empty
    旅發局特別邀請香港兩間米芝蓮餐廳的大廚──添好運的麥桂培(前排左一)、梁輝強(前排右二)及VEA Restaurant & Lounge的鄭永麒(前排右一)，到法國炮製拿手菜式。