由金像影帝林家棟聯同劉雅瑟、李淳主演，鄭保瑞執導，葉偉信、黃柏高監製嘅懸疑追兇電影《智齒》，今日於香港國際影視展舉行記者會，並首播電影宣傳片段。出席演員還有沈震軒、廖子妤、陳漢娜、灰熊，電影故事改編自大陸犯罪心理小說作家雷米同名小說。

林家棟喺台上分享表示，拍攝其中場戲要喺垃圾堆中及糞便旁拍攝，當日係自己生日，家棟話：「現場實在太臭，自己同攝影師講，最好一剔過搞掂，我頂唔順。」女主角劉雅瑟於整齣戲都俾家棟打，家棟話：「佢有一日成個下晝俾我打，打佢4、5巴，再伸佢4、5腳，打到我都手痛，俾我打到面腫，都有過意唔去。」

女主角劉雅瑟表示，每日埋位前問有冇家棟演出，如果有即代表當天要被打，劉雅瑟話：「我同佢講可以來真，佢就話唔會手下留情，拍攝完唔係被家棟打傷，而係自己撞傷，自己唔會驚咗拍香港電影，但覺得香港導演好變態。」

於戲中飾演新紮師兄嘅李淳，佢喺台上分享：「自己想早點來香港練習廣東話，但導演說你還是講普通話吧，現在我也聽不懂大家說甚麼。」

精選娛聞，喺晒《娛果》
http://fb.com/appledailyent