「契弟」同「牙肉」嘅戀情通天後，契弟即時升呢，佢以前出嚟都冇人騷，家成日見報，有次出到嚟仲扮晒巨星咁。當日契弟忽然喺記招自爆戀情，在場記者全部愕晒然，因為估唔到契弟會鍾意牙肉，大家當場靜晒。契弟今次咁夠膽玩自爆，都唔知佢係大膽得滯，定係愛牙肉愛到死。家契弟係贏晒曝光率，但形象就直插谷底，佢除咗得罪班記者，連網民都一面倒勁插佢，可見佢呢次咁做真係錯到離晒譜。

Textby關仁