風靡萬千櫻花妹嘅迪士尼小熊Duffy又有新朋友仔啦。繼上年StellaLou之後，Duffy又識到叫做Cookie嘅新朋友，係一隻有圓碌碌綠色大眼睛同一對長長向下垂大耳朵嘅狗女，將會喺7月3日喺香港迪士尼樂園全球首次正式登場。

Cookie熱愛烹飪同埋美食，性格充滿好奇心，喜歡嘗試新事物，最鍾意就係用敏鋭嘅嗅覺發掘新食譜。根據可靠消息，Duffy同一班朋友好似ShellieMay以及Gelatoni等等，正喺度幫Cookie準備一個盛大嘅歡迎派對，到時仲會有香港迪士尼樂園獨家推出嘅Cookie紀念品。

查實Duffy自從2008年參加東京迪士尼25週年活動以嚟，就一直大受日本年輕女士歡迎，到2016年喺香港迪士尼樂園開咗專門店，從此就一發不可收拾，年年都有大批櫻花妹湧到香港掃貨，好似上年新出嘅StellaLou公仔咁，基本上一上架就極速售罄。

各位Duffy Fans，記得Mark定日子啦。