甘連宏估計法庭將鏞記清盤的機會微乎其微,假如法庭判要他與父親一方收購大伯的45%股權,他們已有足夠資金,並強調絕不會將股權售予大伯一方,「我哋唔會賣畀佢,佢哋冇資格承繼鏞記」。但說到底,他不希望要去到買賣股權,「都買賣得唔光采,咁即係證明我有做啲衰野,做咗啲指控」。
他透露,有投資者接觸他們,「老實講,有好多人想同我買」,但他澄清絕無意將鏞記股權落入外人手中。
有食客批評鏞記食物質素下降,當被問及有無能力保持鏞記以往的高水準時,甘連宏沒好氣的說:「家處理得好好,好嘅評語係多㗎,外間褒獎甘生(甘健成)係legend(傳奇)嘅話,咁唔會喺一個人走咗之後,質素即刻跌。」
他又透露,父親一方已花費2,000至3,000萬元打官司,「好陰功,真係使好多好多錢」。甘琨禮女兒甘蕎因補充,如果要買斷大伯一方股份,收購的錢會來自現金及借貸。
這宗矚目的官司緣於甘琨禮因得胞妹甘美玲相贈股權,得以持鏞記母公司55%股權成大股東,其後引入兒子甘連宏任董事,力壓大哥甘健成,逐步將甘健成削權,不准他查數,拒絕應他要求向股東派息。甘連宏又被指不分尊卑,侮辱大伯,罵他是狗。甘健成終忍無可忍,在2010年入稟申請將當時巿值15億元的鏞記酒家的母公司清盤。