郭偉亮（Eric Kwok）日前禍從口出，因為在網上貼《全民造星》節目相問參賽者：「如果你不是同性戀者，請舉手」，結果不但被網民圍插，一直關注性小眾社群嘅藍奕邦，更撰千字文力斥Eric是恐同慣犯！

成為眾矢之的嘅Eric，似乎心情冇受到影響，今日傍晚5時許現身銅鑼灣，但唔係約咗老婆葉佩雯拍拖行街，而係同男友人去嘆咖啡。

兩人買完咖啡後到外面露天位置，Eric坐底後傾到好興奮，不停手舞足蹈，左手仲戴住護腕，其後發現記者都冇理會，繼續同男友人不停吹水。

日前Eric出席活動被問到藍奕邦嘅指控，當時Eric就拒絕回應，仲叫阿邦有需要可以搵佢，不過阿邦就冇搵佢；Eric仲話有好友陳奕迅開解，教佢點樣去處理，兩人患難見真情云云。

精選娛聞，喺晒娛果：
http://fb.com/appledailyent