改編自漫畫嘅日本電影《死亡筆記》，當年紅爆全亞洲，而當中由日本男星松山研一扮演嘅片中角色L，更被讚演得出神入化。

據指《死亡筆記》將會變身舞台劇，喺明年4月於東京日比谷日生劇場上演，舞台劇製作組就宣佈咗L呢個角色嘅人選，將會由大熱日劇《海女》中扮演廢柴男嘅小池徹平擔演，消息一公佈後即惹來《死亡筆記》粉絲柴台，大家都話松山研一演得太出色，根本無人能及，而且小池長得一張「嬰兒臉」，並唔適合演L，公開咗嘅小池版L造型照之後，仲有網民嘲笑小池似隻熊貓㖭！