當年今日
關於我們

條款不合理 削子女繼承權
反新租約街市商販六月中罷市

蘋果日報 2010/05/31 06:00


聯盟號召包括觀塘瑞和街、慈雲山雙鳳街及牛池灣街市等東九龍區6個街市商販,由昨日起至下月五日在街市外通道擺賣,抗議食環署推出一年制新租約。
其中於牛池灣街市外有十多名商販響應,賣菜超過20年、養大三名子女的蔡生就指,當年在附近擺賣,經安排入街市擺檔,租金相對合理,但在新約下,租金恐怕會大幅調升與市值睇齊,「維唔到皮啦,個檔口都傳唔到畀個仔,佢早幾個月通知我可能就要執包袱。」
黃齊偉昨指,已決定向食衞局就新合約申請司法覆核,同時號召全港79個公共街市的商販7.1上街聯手抗暴政,他續指,有食環署職員「使橫手」要商戶盡快簽約,「好多租戶年紀唔細,食環署班人就嚇佢唔簽約就要下個月搬走,又拎部錄音機係咁播啲條文內容,有啲阿婆唔知就簽咗,我家收到近300封商戶信,話佢哋喺唔了解合約內容下簽約,政府做到咁閃縮真係可恥!」
慈雲山雙鳳街街市代表麥先生指,上周一他們拒絕食環署員工的簽約要求後,翌日即有該署員工帶同四箱合約親身到街市游說商販簽新約,「做廿幾年都未試過,我哋即刻搵人睇實佢哋唔好亂講嘢,最後都係報咗警,因為覺得佢哋騷擾緊我哋。」
食環署發言人表示,如發現非法擺賣造成街道阻塞,會先勸喻及要求合作,再視乎情況採取適當行動。而街市管理人員至今未收到任何市民投訴,暫時不會對在街市外和行人通道擺賣的商販採取掃蕩行動。