今屆奧運除咗游水出現「大肚腩」選手外，代表安哥拉出戰手球賽事嘅女選手翠麗莎（Teresa Alemida）嘅XXXXL身型，同樣成為球迷焦點。現年28歲嘅翠麗莎，帶領安哥拉喺手球小組爭取出線，佢嘅XXXXL身型守住國家隊大門，確實成為安哥拉爭好績希望。

對於肥大身型被恥笑，翠麗莎絕不介意，更為自己有「巨人」身型而自滿。不過，佢話里奧後就會減肥，為咗乜？原來佢12月就會結婚，所以想有個較fit身型行禮喎。