當年今日
關於我們

【同容媽媽關係好】有喜訊要宣布? 劉浩龍:呢個月對我嚟講係喜事重重

蘋果日報 2017/09/28 20:43

劉浩龍容祖兒喜訊婚訊拉埋天窗

劉浩龍(師兄)今晚現身尖沙嘴出席仁愛堂慈善演唱會,有報道指佢同女友容祖兒年底拉埋天窗,雖然師兄已經否認婚訊(相關新聞: http://bit.ly/2k3SXto ),但有記者依然向佢恭喜,師兄沒好氣話:「唔使呀,睇到報道話我哋會結婚,我可以話畀大家知,唔係嘅,其實一年有一度,舊年都試過,所以今年都係一如以往同大家講聲唔係,多謝大家仲對呢件事咁有興趣。」問到幾時會結婚?師兄表示:「未確實答到你,不過有嘅唔會走你啦。」
師兄話真係有喜訊要宣布,就係啱啱同太陽娛樂續約,可以同黃柏高(Paco)繼續合作:「公司有加我人工,下年又開騷啦,Paco話下年開電影畀我,呢個月對我嚟講係喜事重重,但唔係大家講嘅喜事。」問到加人工可以有錢結婚?師兄話:「再多啲啦,套戲可以大賣就好。」
問到容媽媽身體狀況,師兄就話唔答喇;咁容媽媽有冇催婚?師兄話:「冇呢件事,總之大家開開心心,身體健康就ok。」有冇同祖兒傾結婚話題呢?師兄就話:「真係冇呀,傾唱歌、電影仲多啲,傾吓食乜都有嘅。」對於容媽媽以前唔喜歡師兄嘅傳聞,師兄強調:「冇冇冇,冇呢件事。」咁係咪關係一直都好好?佢就話:「係呀。」
至於祖兒粉絲都接受師兄,佢笑晒話:「多謝大家,開心為主,多謝大家支持,再努力啲先,拍多啲戲唱多啲歌。」問到係咪錢嘅問題?師兄否認:「唔係錢,係工作上想再突破多啲,老闆下年肯開套主角畀我做,梗係用心做好佢。」咁係咪想攞獎先結婚?師兄就話唔關事,再問會唔會喺演唱會上求婚?師兄則表示:「冇咁老土嘅。」有記者提議佢開騷宣布生仔,師兄話:「唔好啦,我比較低調啲,唔會搞呢啲嘢。」
empty
攝影:沈健程
empty
劉浩龍(師兄)今晚現身尖沙嘴出席仁愛堂慈善演唱會。
empty
師兄話佢今個月喜事連連。
empty
就係佢同太陽娛樂續約,可以同黃柏高(Paco)繼續合作。