食肆全面禁煙，以藍領一族為主要客源的工廠區食堂首當其衝。在觀塘工廠區有多間分店的蛋撻王負責人莊任明擔心，禁煙法例一旦生效，生意將受打擊。他又相信當局執行法例將有困難。
「有啲客好野蠻㗎，你叫佢唔好食，佢仲專登噴煙落你度㖭！」莊任明形容，蛋撻王以茶餐廳形式經營，顧客主要是工廠區的打工仔，禁煙肯定會「趕客」。「打工仔返工已經唔食得煙，落到嚟食飯冇得食煙，叫佢去邊度食？」
飲食娛樂禁煙條例關注組召集人駱國安指，不少同行抱消極心態，只望條例愈遲執行愈好。他預計，工廠飯堂、小型食肆、打冷等地方，受較大影響，「呢啲地方主要係畀啲的士司機去，可以落地食支煙，如果唔畀食，啲食肆都好困難。」

「冇健康賺幾多都冇用」

旺角登打士街的樓上舖加勒比海咖啡店也有類似經驗，該店三年前實施全店禁煙，生意不減反增，老闆娘歐陽小姐表示：「其實好多客人都怕樓上咖啡店煙霧瀰漫，所以啲非煙民唔想去樓上咖啡店，就會嚟我哋呢度。」
加勒比海三年前由地舖搬上樓，當時可能是全港唯一全場禁煙的樓上咖啡店。「當時決定禁煙係因為之前啲二手煙令我氣管好辛苦，我都唔顧得生意會唔會因為禁煙差咗，如果冇咗健康，賺幾多都冇用。」
雖然加勒比海門外大字標明「全場禁煙」，字體比店名還要大，但三年間仍有不少煙民犯禁。
歐陽小姐說：「遇到顧客食煙，我哋會禮貌咁叫佢出去食，試過有顧客大大聲發爛渣埋單走人，但我寧願唔做佢生意。」