丹楓（271）放售紅山半島，若果順風順水，肥仔水。丹楓聯營揸住南區紅山半島部份物業，呢期聯營已經委託仲量聯行做獨家物業代理，若果呢壇製作成事，兼按足估價出售，丹楓有權收到20億銀，計計數，即係相當於集團每股1.6元。丹楓現價幾銀？講緊得0.95元。又丹楓聯營，亦揸住香港仔港灣工貿中心，以總建築面積計，上百萬平方呎（丹楓應佔33萬平方呎）。呢期唔少大孖沙喺香港仔發掘有潛質地段，做住宅項目，聯營物業，可塑性亦好高，資產增值仲未完全釋放晒。Beforethat，丹楓NAV2.9元，現價已經大大折讓67%，實情好吸引。呢轉住0.9元兜轉，丹楓折讓係咁意收窄到60%，要見1.16元，潛在回報率都近30%。

北京發展（154）同山西省政府出資嘅「山西國際能源」、阿媽北控（392）旗下「北控環保」，及「山西環保基金」簽訂框架協議，合作發展環保垃圾發電項目。合作夥伴，全部大孖沙，兼食正國策。呢壇製作，再有眉目前，北發淨現金6.1億銀，係現金牛，好穩陣。冷灶煲煲，博上番2月高位1.7元，潛在回報率32%。
錢雋