【劉鑾雄講大劉】
【連載系列之十　股壇狙擊】劉鑾雄（大劉）於80年代活躍金融及地產界，曾出手狙擊莊氏、達能、華置，到嘉道理家族的大酒店，確立「股壇狙擊手」形象。大劉日前接受本報獨家專訪時不認同：「每次有呢啲行動，次次百分之一千都係被迫。因為我唔想嘅，絕大部份香港人係低估咗我嘅智慧，例如一個乞丐話郁你，你會唔會驚個乞丐吖？可能佢哋當我係乞丐中嘅乞丐啦！」

股票當禮物

於80年末期到90年初，他旗下的中華娛樂及華人置業進行多次供股，令小股東的權益大幅攤薄，及後公司資金充裕又不派息，有股民質疑他把供股回來的資金豪花在女人身上，大劉駁斥：「我使錢喺女人度，或者我送咗副身家畀啲女人係我嘅事！我唔係攞公司錢買嘢畀人！喺87年金融風暴前，我同置地買咗24億物業，唔夠一個禮拜集資咗30億，但唔夠兩個禮拜就發生股災，取消咗我單供股集資，30億現金投資蝕咗一半，先至連環供股，之後28、9年係好長時間冇再供股。」
在連環供股中，更有不擅投資的師奶寫信給他討教，結果大劉請了她上華置，把她買股的錢全數還給她，更將股票當禮物送給對方：「我唔識佢㗎！我當年後生佢好多，佢4、50歲啦！唔係又以為我貪圖美色。」此外，大劉更坦言香港股民愛爭買窩輪牛熊證，覺得「抵賭」是無腦行為。
採訪：陳月媚

【Timeline】手機用戶請按此，瀏覽「傳奇狙擊手劉鑾雄 」: http://bit.ly/LAU-timeline


【話你知】同大劉有關係嘅名人、美女有幾多? 即睇「大劉人物關係圖 」: http://bit.ly/JosephLau