王灝兒(JW)推出新專輯《The Tale》，今日去商台宣傳 ，佢話相隔六年再出碟心情真係好期待，碟中收錄了近年八首歌曲，全部都為大眾認識，驚唔驚銷量會受影響？JW話：「今次係當換咭片，作個紀念，碟中講我自己故事，除咗呢隻碟，自己近排都推出咗一首新歌叫做《安全感》，會收錄另一隻新碟。」

今日書展開鑼，JW話幫政界好友鄺俊宇推出愛情書籍《有一種幸福叫守護》寫序，係JW為鄺俊宇獻上人生第一次，佢話：「好驚唔知自己寫得好唔好，鄺俊宇都同我講我可以出番本書，但花咗半年時間只寫到十三篇，要寫一百篇先可以出書，明年書展都趕唔切出。」