張栢芝同前夫謝霆鋒有兩個仔Lucas同Quintus，不時都見到佢湊住兩個仔四圍去，但佢都不忘帶兩個仔見爺爺謝賢，而謝賢都讚栢芝係「好新抱」。

呢位「好新抱」，好有機會又有得湊B喇！今日傳出栢芝生第三胎，聽落好突然？其實係有線索嘅，栢芝喺今年2月，栢芝帶兩個仔同朋友去主題公園玩，栢芝就同其中一個小妹妹好親密，想生女想到出晒面。而栢芝之後亦有喺ig出post，講到明今年目標係「2018年之前必定要生出BB來」！

其實今年張栢芝屋企都有喜事㗎，8月時佢屋企隻貓有咗，佢仲貼過張貓媽媽嘅X-ray相，話唔定當時係雙喜臨門。而喺差唔多時間，亦有指栢芝同媽咪食飯，當時佢聲言好想高仔女，仲講過：「努力生個妹妹先 。」所以佢今次栢芝真係準備十足。

精選娛聞，喺晒《娛果》
http://fb.com/appledailyent