當年今日
關於我們

【揀男友條件係...】周秀娜多人追明言住香港優先

蘋果日報 2015/04/14 06:00

蘋果男友周秀娜娜姐即時舊患復發

周秀娜今日以白色露背裝喺上環出席彩妝品牌活動,左腳包咗繃帶嘅娜姐,貪靚仍穿5吋高踭鞋,佢話係韌帶舊患復發:「我成日着高踭鞋,靚嘛!其實醫生話要靜養,不過好多工作,如果可以好好休息都要個幾月先好。」娜姐表示將與鄭欣宜、劉心悠合作拍攝一部以女性為題材嘅電影。

談到感情狀況,娜姐話:「o依家都OK嘅,世界各地都有人追。下個月生日,可能到時會有新男朋友呢!」佢話如果男方居住喺香港會優先考慮,因為需要多見面:「因為成日周圍飛去工作,好少時間可以相處,雖然可以用電話了解,但如果兩個人要一齊,一定要真實咁相處。」