明日（9月1日）馬季開鑼，今戰話題之一是新開倉的13屆前冠軍騎師韋達能否立即贏馬？

韋廐整日七匹參戰馬中，有兩駒與「鞋王」李子彬有淵源。其中，列陣第八場二班1400米的「得勝駒」，馬主李永泰就是李子彬兒子，至於出戰第十場三班1400米的「利害了」，則屬李子彬個人名下。

兩駒以往均隸屬大摩馬房，為何李氏父子今季一同改撐韋達呢？

李子彬受訪時解釋說：「我在香港養馬40年，和韋達認識都有十年時間，早年我與家人的馬匹多由韋達策騎，彼此都是好朋友，但近幾年我們就沒有合作，即使韋達向我索騎，我都婉拒。」

「好老實講，跑馬講求體力，我認為韋達年紀大了，陣上未必夠後生仔撼，當時我便向韋達直言，你快啲申請做練馬師啦！若然成功升正，我第一個支持你。」

「中國人最講口齒，當馬會公佈韋達升正做練馬師的消息，即使他沒有開口問我攞馬，我仍然信守承諾，把我心目中的兩匹靚馬『利害了』及『得勝駒』轉投韋廐，連同我旗下另一匹生力軍More than a horse都一併交由韋達訓練。」

「其實韋達試馬的韁繩很好，教馬有一手，我認為很多馬匹經其調教後，都會有進步的表現，我希望他能幫手訓練好『利害了』及『得勝駒』。」

「我認為『利害了』及『得勝駒』今戰都有一定之爭勝機會，但預期賠率會好熱。其中『得勝駒』的檔位較理想，『利害了』抽14檔則較蝕底，但我的作風向來冷熱皆拼，最緊要有頭馬拉，希望兩駒今次都有好成績。」

-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此