跑過兩次賽事之後，新開倉的羅富全有個好開始，今次繼續派一批具實力的馬參戰，預計會取得成績，至於同樣新開倉麥菲文首次出馬，只出一匹有近績的「銀豐神駒」，如無意外可如羅富全般旗開得勝打響頭炮。

其實同樣有個好開始的仍有高伯新，經歷過上季低谷後，今季明顯肉緊好多，單睇馬匹操練已截然不同，另一個有利因素係廐內好多馬評分落到極低點，今次的上陣馬中，落分最多肯定係「善者」同「葵涌老友」。

當中前駒前季插四班52分第二仗已贏田草1200，上季11連敗某程度與報程忽長忽短有關，今季減至36分沉降五班好着數，用新鮮感跑1000最短途着數。

至於「葵涌老友」上季尾開始有表現，於田草1400米輸給兩匹四班馬「盛勢」、「銘記心
中」第三，如今37分跑五班賽，點睇都極惡。