韓國人夫李秉憲近日疑同女模兒李智妍搞婚外情而惹上官非，早前更被李智妍喺首次審判上大爆憲哥用買樓嚟引誘佢上床，令憲哥嘅形象直插谷底。憲哥前日首次現身為事件開腔，仲話自己好對唔住老婆李敏貞，會盡最大努力0氹返老婆咁話。

而李敏貞由老公被爆出軌之後一直未有回應，大家仲擔心佢兩個嘅婚姻會唔會亮起紅燈添。不過今日有韓媒就指李敏貞日前透過朋友把口首次交代咗佢兩公婆依家關係。李敏貞朋友話：「喺李敏貞同李秉憲分開咗嘅其間，佢哋確信地相信大家，亦都消除晒一切誤會。而且因為呢件事，令兩人嘅感情變得更加穩固。」

朋友仲話李敏貞依家因為工作關係留咗喺美國，當0依家身處同樣都係身處美國加州嘅李秉憲回國之後，就會接返老婆返屋企住咁話。

另外，有消息亦指李敏貞嚟緊就會復工，不過佢嘅所屬公司今日就已經否認咗，仲話未有咁嘅計畫。