韓國男星宋仲基憑神劇《太陽的後裔》升呢做新一代男神，廣告代言接唔停手，更舉行亞洲巡迴粉絲見面會見粉絲。粉絲見面會噚日喺上海舉行最後一站，Oppa更感觸到喊出嚟。而Oppa完成噚日嘅見面會後，今早就飛返韓國，將會投入新片《軍艦島》嘅拍攝工作，認真頻撲！而Oppa都知一班粉絲會好唔捨得佢，所以一早起身就玩直播，果然識冧粉絲，去到機場見到有粉絲嚟送機，Oppa都相當親民咁向粉絲揮手。

此外，節目《演藝家仲介》噚日播出咗宋仲基大學一年級時，參加節目嘅片段。雖然節目已經近10年前，但當時清秀嘅外表仍然吸睛，難怪被封成均館大學校草。