今晚（6日）舉行國際騎師錦標賽，一如上季用谷草B跑道，度地儀指數2.7，場地掛牌為好地。如天氣情況許可下，將按計劃在第5場後進行壓地。

睇番上季12月7日騎師賽B欄賽事，度地儀指數2.69及掛牌好至快地，當晚場地偏差不大，後追馬唔算吃虧，例如「亞馬寶寶」、「嫡愛寶」、「聚歡笑」及「超有利」都係從尾叠後上反先對手勝出，所以不宜過份側重內叠前置馬。

今戰列陣馬中，第二場「全勝姿態」是全場唯一贏過谷草B欄之參戰馬，憑較佳場地性能可秤先。

另外，第三場「魅力知心」三次跑谷草B欄獲冠亞殿各一，贏完等番同一移欄再跑，睇部署有心求添食。