當年今日
關於我們

東京奧運|四年單車隊生涯如過山車 李海恩感觸終圓奧運心願

蘋果日報 2021/06/19 18:00

單車李海恩

東京奧運將於七月舉行,香港單車隊今日(周六)於將軍澳單車館會見傳媒,過去一年受疫情煎熬,奧運似近還遠,四年前從蘇格蘭回流加入港隊的李海恩(Jessica)感言心情曾經壓抑,今奧運事在必行,她笑言鬆一口氣,「大家一直見招拆招,依家了咗件事,終於搞掂。」
過去一周港隊以賽備戰,連日於單車館舉行奧運模擬賽,與李慧詩及其他男隊友車輪戰鬥足五日後,Jessica大呼辛苦,「我崩潰咗三次,教練會用耳機叫啲男仔做戰術挑戰我哋,真係全力以赴,冇晒電喇。」上月她於單車國家盃表現平平,她指是次模擬賽雖挑戰體力極限,但她享受其中,「教練話我思路清晰,戰術好妥當。只要訓練時對自己要求夠高、夠狠,咁比賽就會有收穫。」Jessica為追尋奧運夢想,2017年決心從蘇格蘭回流訓練,歷盡得獎、失利、受傷起跌,她形容四年港隊生涯如坐過山車,「直頭過山車咁,之後再畀個疫情你,爽!又怕你三年(準備奧運)唔夠,再畀多一年你,都係見招拆招,因為根本計劃唔到,其實四年過得好快,諗返係難 ,但我好幸運有呢個機會。」人在異鄉,她一提起遠在蘇格蘭的未婚夫及家人時一度感觸,「我犧牲咗屋企人嘅相處時間,我有年半冇返過去見未婚夫、屋企人同隻狗。疫情對全球嚟講係好大挑戰,我都有好多起伏,淨係困住訓練冇比賽,有啲depress,尤其好多人話奧運會取消,咁我目標就係奧運,當時真係好絕望,多謝佢哋(家人)話畀我知,無論有冇奧運都以我為榮。」
現年30歲的Jessica今屆奧運將與李慧詩齊戰女子凱林及爭先賽,她指目標會貼近現實,冀計時賽創個人最佳,並於凱林賽躋身次圈。
empty
李海恩(圖)離鄉別井隻身來港,提起遠在蘇格蘭的家人時一度感觸。
-----------------------------
蘋果App大升級 更簡潔更就手!了解更多立即下載體驗
-----------------------------
《體蘋果》陪你睇波講波