根據美國研究機構Demographia的調查，香港樓價中位數為家庭住戶每年收入中位數19倍，成為全球最難以負擔的樓價水平，如果要達到調查裏面的「可負擔」水平3倍，首先你的人工要加返5.3倍啦！

調查是以截至去年第三季數據統計，以本港樓價平均中位數556.1萬元作為分子，再除以作為分母的家庭入息中位數收入29.3萬元，得出19倍的數字。要注意的是，統計的時間正值香港樓價高峯。

倘若樓價不變，家庭入息要增加5.6倍，達到185.3萬元先負擔得起；以月份計，一個月家庭入息要由2.44萬元激增至15.44萬元。

倒轉嚟計，如果人工不變，樓價要跌幾多先至係「可負擔」水平呢？答案係要跌84%！已經唔係去少幾次日本、睇少幾場戲就搞得掂，唔通真係唔飲唔食19年去買樓咩？！所以無論要人工加5.3倍，定樓價跌84%，都好似天方夜譚咁！

掌握財經生活資訊，即Like「蘋果ATM」fb專頁啦！
http://fb.com/appledailyatm