雖則練馬師羅富全尋晚（26日）同老婆一齊去紅館，睇子華神嘅《金盆𠺘口》棟篤笑2018，起碼都要11點先完騷，但呢位「六爺」今朝早（27日）冇偷懶，依然一早去到沙田馬場晨操，認真專業！

呢位上季新人王全朝冇時停，一時去欄邊睇馬，一時去機坪等馬，最後更踩住單車，跟埋「一鋪成名」及新馬「日日精彩」返倉，明明仲有成個月先開季，如果齋睇佢嘅動態，真係以為聽日就係開鑼，相信羅富全一開季就會火力全開，值得留意。