韓國人氣男團EXO、Super Junior、女團少女時代等人所屬嘅SM事務所，其位於首爾江南區嘅大樓喺今日凌晨被一名男子闖入，警方到場後帶走涉案男子調查。

據韓媒《YTN》報道，約於韓國時間今日凌晨0時，36歲劉姓男子打爛SM大樓地下一樓嘅玻璃門後，擅自闖入大樓，並利用樓梯喺各樓層行走。劉姓男子用影印機擋住門反抗，喺7樓與警方對峙一小時後，最終被帶走。據附近嘅居民透露，警察着住防彈衣、手持三截棍進入大樓，將嫌犯捉出嚟。

報道指，由於案發時係深夜，大樓幾乎處於無人嘅狀態，冇人受傷。據悉涉案劉姓男子係三級精神病患者，喺接受警方調查時，劉姓男子稱係歌手叫佢嚟，警方以擅自闖入建築物嘅嫌疑將劉姓男子立案。

精選韓流，喺晒《娛果》
http://fb.com/appledailyent